27 сакавіка, падчас вясновых канікул на сустрэчу з дашкалятамі прыйшоў супрацоўнік МНС Казарэз І.М., які пазнаёміў дзяцей з работай пажарных – людзей адважных. Супрацоўнікі Міністэрства па надзвычайных сітуацыях – у нас заўсёды чаканыя госці.
Каб інфармацыя і веды аб бяспечных паводзінах сталі запамінальнымі і зразумелымі дзецям, педагогі дашкольнай установы разам з супрацоўнікам МНС Казарэзам І.М арганізавалі вясёлае фізкультурнае свята “Юныя ратавальнікі-пажарныя” з гульнямі і эстафетамі.
На свяце брыгада нашых юных ратавальнікаў прайшла трэніровачныя вучэнні і хутка выехала на адно незвычайнае надззвычайнае здарэнне. Дашкаляты спаборнічалі паміж сабой у спрытнасці і шпаркасці, прайшоўшы эстафеты: “Перадай вогнетушыцель”, “Выратаванне звяркоў” і інш. Карыснасць і шкоднасць агню нашы выхаванцы вызначалі, гуляючы ў рухомыя гульні, правілы бяспекі замацоўвалі падчас дыдактычнай гульні. Дзеці адказвалі на пытанні супрацоўніка МНС Казарэза І.М: “Хто такія ратавальнікі?”, “Чаму нельга гуляць з запалкамі?”, “Які нумар ратавальнай службы?” правільна і хутка, а потым дэманстравалі сваё ўменне набіраць патрэбны нумар на тэлефоне.
Дашкольнікі атрымалі карысныя веды і станоўчыя эмоцыі.