3 мая ў Яслі-сад № 2 г. Камянца прайшло свята "Вялікдзень". Дзецi даведаліся, што азначае "Вялікдзень", пазнаёміліся з сімваламі свята – фарбаванымі яйкамі і кулічом, народнымі абрадамі і гульнямі. На свяце выхаванцы змаглі паспаборнічаць у Катанні яек, пагуляць у "біткі" (загадаць жаданне і стукнуцца фарбаванымі яйкамі - чыё апынецца мацней, у таго жаданне спраўдзіцца), паспаборнічалі ў распісванні яек. Павіншаваць са святам прыйшлі благачынны цэркваў Камянецкай акругі, настаяцель Сімяонаўскай царквы г. Камянца протаірэй Сергій Буркоўскi, айцец Валерый і хлопцы моладзевага братэрства. Выхаванцы нядзельнай школы паказалі выхаванцам Яслі-сад №2 г. Камянца маленькі спектакль. Протаіерэй айцец Сергій павіншаваў прысутных са светлым святам Вялікадня. Госці ўручылі дзецям пачастункi і сфатаграфаваліся на памяць.